جـــــاهـلــــــــــي؟؟
لاتكلــــــي شبيك من اصفن عليك
وسرك بكلبــــــــــــي اليحـــــبك دافنـه
عاصفه الدنيا ومطر مجنونه بيك
ومـــــــن ضحكت الدنيا ظلت صافنـه
.........................
بين عيـــن وعيــــــن احطك لو اجيت
يالله كلي شلــــــــــــــــون روحي تعــوفك
خاف وحده تشوف غيــرك تشتهـــيه
حته الاخره من تصدلـــــــــــــــــه تشوفك
انه خايف ماتجي وعيني عليــــــــــك
ومني كتلك ماكوداعـــي لخــــــــــــــــوفك
السفينه التبحـــــر بمايــــــــك تعيش
خاف تغرك عينها اعله جــــــــــــروفــــك
بين خدك والحلك ظل مشتهــــــــاي
وانه خطارك بعد؟؟ معـروفــــــــــــــــــــك
المضيف اعله البخت مبني ويطوف
وانت راعي البخت كــام يطــوفـــــــــــــك
ياخلك فنجان من كدمستحــــــــــاك
ظلت عيـون الدلال اتحــــــــوفــــــــــــــك
وانت طولك سفرة امعزب واخاف
تنفتح يمك شهيـــة ضيـــــــــــــــــــــوفك
جاهلي من اعشك واحب بس بجنون
وعشكي خارج قوس عـــــــــــن مألوفك
اكتب اسمك واقره بس بدون صــوت
اعله الشفايف غافيات حــروفــــــــــــــك
وانه صار اسنين ماضايك حـــــــــلاه
والله يعـــــــــــــــــــلم ياحـــــلاه بجفوفك
تدري بطيوفك على عيوني من اجيت
اعيوني خر اسبالهه اعله طيـــــــــــوفك
القصيده للشاعر ابن الشطره
سعودالخفاجي
عجبتني القصيده فنقلتها
تحياتي اخوكم الشاعر مهند البهادلي
موضوع: مجنون لمن احب 
الثلاثاء سبتمبر 08, 2009 12:23 am
