فدوه لاتزعل اذا نسال عليك
الدنيا ظلمـــه وحاره ومامش فجـــــــــر
كلوب عدنه ومروحه وعمك فقير
وردنه نص امبير من خدك نجــــــــــــــر
...........................
صحــــــره ومتانين ماتمطر شجاك
تدري عطشانين الك منـــــــــــــــذ الازل
وانت رحمه ونزلت اعله امك وابوك
واعلـــــه هاي الفقره ظيم الله نــــــــزل
تدري لـــــومريت كلنه اهلك نصير
والنه كلنــه تصير بس انت اهــــــــــــــل
حجار نشمر عاليمر بينه اويعيـــل
وانت مــن اتعيل نشمرلـك قبـــــــــــــل
غـــــــزل مانكتب لان كالــو حرام
استغفرالله نكــــول لوذكـروهبــــــــــــل
ومن يمر طيفك علينه نــدوخ بيك
اويه الصلاه ونكــــوم نقرالك غـــــــــــزل
انت بيك اثنين رهمن بس عليك
العاقـــــل تسودن والمسودن عقــــــــل
العســل شافك حلو جلب بديك
وجاب اديـــك اعليه وغم روحــــه العسل
وين يمعــــود تعــال وبس تعـال
وشوف ياهــــــو المات وشلونه العــــدل
انت من تضحك نظل نبجي عليك
شلــــــون لودمعك على خدودك همـــل
ظلمــــه صاراسنين نتنطر ضواك
وياضـــــــواك الصارللوادم امــــــــــــــــل
عدنه لاله من اهدهارون الرشيد
ولان ماعــــــــدنه نفط ماتت خجــــــــــل
ومن اجيت انت اجتنه الكهربـــاء
والكلـــــــوب المحترك عدنـه اشتعــــــل
مهند البهادلي
وضع بصمته هنا
تحياتي
موضوع: يا ضواك 
الثلاثاء سبتمبر 08, 2009 12:25 am
