بخت تمساح

يالعيونك امان بليل كلـــــــه اشباح
وخدودك مزار لــــــــــــــــــــــــــــوردة القداح
من تمطر عيونك ورد يطلع كـــــون
ماردنه اعله خدك تطلع النـــــــــــــــه ارواح
عشنه اسنين ننطر والعيون تحوف
بعنه الحصه لجلك واشترينه اســـــــــــلاح
وصنكرنه اعله طولك والهلاهل خيل
غارت غاد منك مـــــــــــــن سمعنه اصياح
لجلك كاومينه الليل واهـــــل الليل
وخشـــــــم الليل شفته شلون يمــــك طاح
صدر ديوان احنـــه وجنت بينه تلوذ
انذكـــــــــــــرك مانريد ؟ نريد ننسه الـراح
ماتنلاح ظنك .. شلت خشمك عود
عفـة نفس بينه وكلــــــــــــــــــنه ماتنـلاح
يالمنثور هرفي ..اعيوننه اتتانيــــك
من جفوف المناجـــــــل تترس المسطاح
الفلاح يرسم هاجسه ..ابمسحاه
وينشــد عالسنابل هاجس الفـــــــــــــلاح
والمرواح خشبه وخشبه كلها اعيون
وانت اســرار تبقى بذمـــــــــــــــة المرواح
تبجي تريد نعطف لو بجيت اعليك
مانخفض لذلك لـــــــــــــــو بجيــت اجناح
تاخذ على المسرح دورنه بياجاه
والمذبوح يعتق ركبـــــــــــــــــــــة الذبــاح
لاتظلم بخت تمساح عده احساس
ظل من الفشل لابس دموعــــه اوشــاح
التمساح يبجي وعذره يحلم جان
واحد من يشوفه يكــــــــــول موتمـسـاح

مشكووووووووور اخويه ع الموضوع وننتظر جديدك