أحلى اثنين

چنه أحلى ثنين اني وياك
چنت رايدني و اني اريدك
***
شنهو الجره مني و انت خنت ..؟
بس الخيانه عادي تمشي بوريدك
***
چان كلشي بيه يفكر بملگـاك
و هسه افجر گلب لو گال اريدك
***
و اذا رجلي غصب حملتني اجيك بيوم
اگص رجلي احسن ما تجيلك
***
اسأل سواد الليل عني و حاچي النجوم
و دحگ على الگمر و خله يحچيلك
***
ودحگ على البلابل من تگعد من النوم
اسألها عني و خلها تبچيلك
***
ياما لحنت و انطيتها الالحان
وتجي يمك بمصباحك تغنيلك
***
رحت على غيري ... و غيري شنطاك
لاتظن من ماي حبي بيوم يسگيلك
***
أنا رضعت الوفه من صغري صار سنين
و انت .. شنهو ميتك و شنهو تحليلك
***
عجيبه خلطتك صدگني يا ابن الناس
من حقد لكره لك صار تشكيلك
***
المحبه جبيره و ما تلوگ عليك
المحبه سالوفه و ما اظن تعنيلك
***