بگــلــــب مــجــروح اوكــــف خـلـــي احــــاچــــيــك

اذا ناوي البعد .. ومتعبك الحال ..
بكيفك عادي ظلت ابعد وروح ..

ليل بلا كَمر موحش ترى يصير ؟
وبلايه الوجع ما تحلى الجروح .

عمي انته حلو ومدلل هواي؟
وانه من التعب حت وجهي ممسوح


بس يوم العرفتك جنت تمثال؟
وبلمسة حناني انطيت الك روح ؟


دللتك دلال الام للزغــــار ..
والخاطر عيونك كلشي مسموح ..



ما محتاج منك اعرف شصار؟
متعلمة اليتامة ودارسة النوح


وكَبل ما تبتعد بس عندي چلمات ..
بكَلب مجروح اوكَف خل احاچيك ..


بكَد طيبي اوفائي الشفته وياي
تتحسر على الحنيه اخليك


ولا اعتب لان بيك انا مخدوع؟
اعتب عالزمان الجــابني عليك .


وراح تشوف باجر سود الايام ..
وخلي النار بضلوعك تشب بيك ..


وغلات دموع عيني الصبن عليك
وحكَ ربك كثرهن راح ابجيك