اشعار عراقية ,.............,.,.< اوتار الحب>

اشعار عراقية


من يوم ضاع الوطن ماشفت بس الهم
ومن الحزن جرعات ظليت بس الهم
ورغم الالم ياصاح ظليت أباسلهم
وماذليت نفسي لحكم الاجناب
00000000
بنور عيني مرسالك وصلنا
بجيت ودمعي بلل كل وصلنا
امانه عليك لاتقطع وصلنا
عساني انذر وحي لترابك فديه
00000000
لغيرك ما جرى دمع ولا هل
غاب القمر بعدك ولاهل
مابقى لي بالدنيا جار ولاأهل
بس انت وقطعت الوصل بيه
00000000
بجت العيون من شافت حديثه
شيكول الشاف ما يوصف حديثه
حشد طاغوت وجيوشه حديثه
على أهل الوفا والروح الابيه
00000000
هاسل بالقلب بجفاك هامات
وياما قبال سيفي انحنت هامات
اخبرك روحي نص الليل هامت
عليك وسحل جابتني من ايديه
00000000
عرفتك وعرفت لغزك وحلاك
وحك من جملك يا أسمر وحلاك
جذب من ايدي اهدنك واحلاك
لانك روحي وفراكك منية
00000000
الحلاوة البيك يا اسمر من تمركم
وروحي اتذوب يمكم من تمركم
أدوخ من اريد احسب من تمركم
واحد بس اشوفك تسعمية
00000000
حبيبي انشد عليك شصار ما صار
وغيرك للكلب مفتاح ما صار
ادور عليك بالبلدان وامصار
ولكيتك بالنبض دكات الية
00000000
عونه الطال عشرتكم ونلهه
وعنكم عيب نتسله ونلهه
الدنية ثار اطلبها ونلهه
لان حرمت شافتكم عليه
00000000
هدية لكل العراقيين ________________________________________________________________________
اذا صوت الحزن غرد وهلهل
دمع العين ويا الصوت هلهل
اسألك ياحبيبي الكمر هل هل؟
لو غاب وبعد ميهل علــــيه

روحي وياك ماتكطع وصلها
تفرح لو خبر منك وصلها
تظل نبع المحبة انتة واصله ا
وتضل رغم البعد غالي عـــــلـــــيه
الك ياما نبض كلبي ودكلك
وطحن بالحجي ناعم ودكلك
اهواي اليوم ارمشلك ودكلك
درمش بالجذب وسال عليه

________________________________________
اشعار عراقيه دارميات




انشدني عالحال حالي أعلى حـــــاله
سمجه أوشحيح الماي وبظهري فاله



حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت


اتعمن والعباس بسجن يالعيون
ابجن وهما هناه لوشالو اشلون


ياربي سترك رفت العين
واحبابي مو يمي بعيدين



كـلبي أرد أكـصه إبموس وأكوي إبمكانه

علمني إعله درووب كلهن مهـــــــــــانه



كلبي أرد أكـصه إبموس وبفاس أكطعه
خلصها بالسختــات مالحك ربعــــــــــه


القلب قال أحاه ! قتله وجعــــــــــتين
منهو الاجى أوعزاك من طقك البين


يالردت عني اتروح خليلي صبرين
واحد يصبر الروح والثاني للعـــين



شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله



إرتجي إعله المكسـور حيل إردس الكًًاع
بالك تذل جدام شماتك إبســــــــــــــــــاع


اقعد ابتالي الليل وادعي ابصلاتي
ياربي بعد افلان شلي ابحيــــــاتي


ارد انصحك يافلان هذي النصيحه
عوف اتلف وادور حب الصريحه


احمل وفى والطيب والرقه كلــــــها
أوكل مشكله ابهالكون بس يمه حلها


ريته اليطيح ابضيج كون اخوه وياه
اوكل مايقول احاه كلها اتلــــــــــقاه


إلي تطلبه ايصير بس أمر انــته
أو لاتعب الجلمات أشرلي سكته

الرد
أطلب وقلك صار تامرني أنــــته
عمري من أول يوم بسمك رهنته


ميت والمعزيات يبجن عيـــــاره
طفن على التابوت راس الجكاره


الدهر شل يمناي شل يسرتي الــــــبين
جابيش اصبر الروح بيش امسح العين


متعجب المهموم يشرب جكاره
قلبي ابكثر مانوح تجويني ناره


من كثر حر الضلع أحترقن هدومي
وتسعين ناقة وجمل ماشالن همومي


هاك ابره هاك الخيط خويه ارد اكلفك
امقطع الدلال شله على عرفـــــــــــك


هاك ابره هاك الخيط كوم امشي عني
لو بيه اشل جروح جاشل هـــــــــذني


حسره الك بالدلال ظلت لما امـــوت
مادرت حقها الناس صوابي بسكوت


حسره وحدرها احاه وبقلبي لــوعه
كلما اضوق الزاد اركض وازوعه
___________________________
دكيت باب الوطن وبوابه مسدوده

ومنفتح باب انزلن دمعاته بخدوده

صب الدمع واشتكى من دون ما يحجي

صعبه علي من شفت عين الوطن تبجي

آه يا وطننا الحلو راحت حلاتك

راحت وصارت قطع سوده على الحياطين

اه ياوطنه الحلو يازين ياغالي

مو انته الاول جنت ليش اصبحت تالي

الناس جانت كبل تتوسل تشوفك

هسه صفت بلعكس تتوسل تعوفك

اه ياوطنه الحلو يلزين يلغالي

مو انته الاول جنت ليش اصبحت تالي

ابجي على بلدي ابجي على بغداد

علمتحف ابجي انه التاريخ والامجاد

ابجي على الصحفي وابجي على الفنان

وعلماي ابجي انه والشجر والاغصان

ابجي انه علقتل مابين هلخوان

وابجي انه علغدر وعلاسه الجيران

ابجي على مذهبي وابجي على ديني

علقبله صار الذبح بيد لمخاويني

نذبح بعضنا ذبح والاجنبي المحتل

نتوسله بلبلد يبقى ولايرحل

السبب خوف الشعب من حرب اهليه

ومن معركه قادمه سنيه شيعيه

المن يكون النصر والمن يكون التاج

ويامذهب الينتصر وتحج اله الحجاج

من ياترى المنتصر لوفاض بينه السيل

ولكم ترى المنتصر امريكا واسرائيل

هذا العراق الحلو بيه الزمان اندار

ولو نار هسه انطفت تشتعل باجر نار

الليل ذاك الحلو ليجنن ابغداد

اصبح يضيك الخلك وايامه ماتنراد

والماي ذاك العذب ماعاد نفس الماي

روجاته يبجن دمع واحزان بيهه هواي

الصار بينه وجرى مايخطر على البال

ومو كل دمع ينبجي ولا كل حجي الينكال

بسبب وبلا سبب نتكاتل عله المال

ونسينه عدنه وطن واجروح بيه اشكال

هذا العرااااااااااااااااااااااق الحلو ماغيره حبينه

وبغداد بيت الاهل البيه تربينه

شاف العراق الحلو من الهموم اشكال وياما انجرح هلوطن بس مابجت عينه


ونصحونه ياما بشر نرحل لغير بلاد وماعفنه هذا البلد ونحبه ضلينه


خايف يضيع البلد مابين هذا وذاك

وشيعوضه النه الوطن لا مال لا املاك

نحتاج مال الدول اموال تهدينه

بس لوطلبنه وطن ياهواللي ينطينه

بعد ماجابته امه اللي يمسجن يلعراقيات

مامخلوق والله والله والله اللي يمسجن يلعراقيات

حلوات الطبع واخلاقجن حلوه

والرايد يمسجن يلعراقيات

يخسه ومايكدر ويغديلجن فدوه

انتن للعراق حزام يلحلوات

انتن شوك ياخذنه ويرد بينه

احنه بشوكجن ياعيني متولعين

وياجن عمر عشنه وتربينه

بلجبهات مابجانه طاري الموت

بس فراكجن هوه اللي يبجينه


انطيني من وقتك ثواني
ما أكلك آني وآني
شاعر من أهل العراق
عربي وأصلي عراقي__________________________________------
سيدتي

قولي لي بربكِ كيف اكتب لكِ

وانا قابضة على نبضي من شدة الذهول

كلمات ان قلت من ذهب والماس ومن مشاعر واحساس

احسها قليله بحق ما كتبتِ احسها لا توفي حق حروفكِ

اتعلمين انكِ تسحرين الحرف بما تكتبين وتجعلين الانامل تكتب

من تلقاء نفسها كأنها تكزف لحنا جميلا لحن اسمه الحب

العشق الغرام تاهت حروفي وذهب مني الكلام

لا اريد ان ازيد اكثر لكي لا اشوه هذه المعزوفه
____________________________________________________
ماعلموك ان الهجر يجرح الروح وانا بعد فركاااك تنزف جروحي
وان المشاعر صمتها يقبل البوح
وان السكوت احيان يكشف طموح
رحت ولكم ذكرى على البال
ماتروح حتى تروح روحي لخالق انت ماتروح_____________________________________
______________________________
مجموعة اشعار عراقية.....

سلام عليكم .... اذكرالله يذكر كم
سواف اكتب لكم عدد من الاشعار العراقية في كل اسبوع قصيدة او اكثر
لنشاركمم الحب والعشق اهنانا:-

قصيده غزل شعر شعبي عراقي ارجو ان تنال اعجابكم

مامعقول اعوفك وانالسة اهواك
ماهو انصاف هذا وانا ماقبل

خلص كل شبابي وية غيرك راح
جاوينك ولك ماجيتني منول

ولو انا اعتقدهذا الجمال البيك

من ربك هبةوماصانعك معمل

خليلك ثقةو خلي ا********* بيك

وتركني بمزاجي كون ماتزعل

اوصفنك وصف مايخطر على البال

بس كون بشرط كلشي احجي تتقبل

شعرك من تحلة ايتيه الخيال

والوادم غفت جن ليلهم جلجل

وخدودك اشارة وكف بيهةالسير

ورموشك سنابل عوزهن منجل

حزورة الشفايف وانحجت للناس

وما واحد كدر الهسة يلكة الحل

بياضك مو طبيعي ماحواة مخلوق

تعكس بية الصورة اطلعك اجمل

احط عيني اعلةصدرك ونضر المكفاك

حتى الدم اشوفة اشلون يتحول
××××××××××××××××××××××××
هذا الحب ... الحب ..الحب..
هو كأس ذهبي نشرب منه كوثر الحكمة دون ان نرتوي..
هو نار روحانية تلتهم قلوب العشاق
لكي توحد بينهم في عناق اثيري
ضامنة لهم بذلك دوام ليلة العرس الى ابد الأبدين...
هو قوة كونية كبرى لأنه هو الذي يحرك الشمس
وباقي الأجرام السماوية...
هو شعر الحواس ومفتاح كل ما هو عظيم في الحياة الانسانية..
هو يجري في شرياني واوردتي بدائرة حب وهيام..
______________________________________

غلطتي سوء إختياري وغلطة الشاطر بألف

قاومت ضعفي ودموعي وضربت كفا بكف

آةةةةةةةةة ش يداوي الندم
آةةةةةةةةة والحيل انهدم

أنا أعزف على جرحي وهو يحلا لة العزف

كان في قلبي حبيب وباعدني بسوق الغدر

ورجعت وحدي حزينة أنا وجروح العمر

خلي ينفعني وفائي خلي ينفعني الصبر

يحسب اني ارقص واغني وأنا من همي أرتجف

آةةةةة
________________________
دخنت من التتن دنهل وسومر
وقلبي من هواكم زنجر وسومر
احبكم من عهد بابل وسومر
ولك حتى حمورابي انكسر قلبة علية
_______________________

احباب النحبهم مارادونا
جفونا وبجفاهم مردونا
ولك صرت طوبة واليلعب بيها مارادونا
مدكولي بعد يا كولجي يلحك علية



_______________________
جدري غله ميه وابد مافار
ولا بقى بيتي لاجريدي ولا فار
ولانا مكمل الخدمة ولافار
اركض والعريف يدك عليه



_______________________
مرة اليالي صير مرة
ومرة اليالي صير مره
ومرة اليالي صير مراءة
ومرة اليالي صير عليه



_______________________
كثر بحسنك وبجمالك وصفنه
وحبك يرادله كعدة وجلسه وصفنه
اتمنى من الله اتكون بمدرستنا وصفنا
اذا تاخذ صفر انطيك مية

يسلموووووو عيوني اوتار الحب على هذا الاشعار الجميلة


وتقبل مروري كرسبو العراقي

يسلمووووووووووووووووو