يا بسمة الدنيا

يا بسمة الدنيا

--------------------------------------------------------------------------------

السلام عليكم ورحمة الله وبركاته...
رواية... (يا بسمة الدنيا) رومنسيه خياليه...بقلم:العيون الوساع ن

الفصل الاول..
على زخات المطر الحلوة وفي احلى صباح طلعت جواهر من بيتها وهي لابسه ثياب المدرسه وحييييل مستانسه وقفت برع تتريا متى أي الباص ..وفجاة ..ماحست ال بالكوره ا ل تي ع ويها سمعت صوت ضحكته الكريها وهي ميته من القهر..
جواهر بحتقار:انت
طالعها بمرح:هي انا سلطوني ههههه
جواهر عوت بوزها:مالت
سلطان بمرح:هههههههههههههههه فديت المعصبين
طالعته بقهر:انت ليش تضحك
سلطان:وانتي ليش معصبه ههه
جواهر:قسما للاعفد عليك واضربك من الخاطر
سلطان بغزل:عسل على قلبي
كانت بترمس بس جافت الباص ابتسمت بفرحه:اف ما بغيت افتك منك يالله فمان الله..وهي تركب الباص
سلطان:في امان الكريم
تحرك الباص وسلطان بعده ياشر عليها مع السلامه وهو يبتسم
(جواهر..اية من الجمال دلوعه وتحب تحصل كل شي عدوها اللدود ولد يرانها سلطان عمرها 9 سنين في الصف الخامس)
(سلطان.. يتمتع بجمال وجاذبيه طيب وحنون ويموت ويلعوز جواهر عشقه كرة القدم واكره شي عنده المدرسه عمره 14 سنة صف ثالث اعدادي)

في الباص..
كالعاده يالسه اخر شي هي وربيعاتها ال يهذربون وهي مستانسه تسمع وتهذرب ويهم.
منى:الله جوجو منو المزيون ال كنت ترمسينه؟؟..اخوج
جواهر:ههههههه اخوي ..لا حياتي ها سلطون ولد يرانا
منى:ها سلطان ولد يرانكم ماشالله عليه وسييييم ال اتخبرج هو كم عمره (خوش يهال)
جواهر:اممم اضني مايتعدا 14 سنه
منى بهيام:اااااه مناسب فديته وفديت اسمه ,وفديت كل شي فيه
جواهر:هههههههههههه وقمنا نتغزل انتي بلاج نسيتي ان يهال يعني المفروض مانفكر في الحب صح ولا انا غلطانه
منى بارف:اف منج ذبحتني وانتي تقولين يهال ..ياماما اليهال بيكبرون ومحد فينا بيتم صغير
جواهر:انا ودي اتم صغيره
منى:هههههه ليش؟؟
جواهر وهي تبتسم:عشان ما أي اليوم ال اتعذب فيه
تمت منى ساكته وهي تحاول تستوعب رمسة جواهر..
(منى..ربيعة جواهر الروح بالروح ملامحها بيبي فيس حبوبه وتموت ع جواهر عمرها 10 سنين في نفس صف جواهر)


بيت سلطان..
سلطان عايش مع امه الارمله ,واخته العنود في بيت صغييييير واييد تقدرون تقولون اصغر بيت من بيوت الفريج المهم امه تسولف وهو كلش مب معاها يفكر بطريقه يطفر فيها جواهر ابتسم بخبث وهو يطالع امه ال اطالعه ببلاهه
ام سلطان:ابويه بلاك ؟ شي يعورك وانا امك
سلطان:هاه (الحبيب سرحان)
ام سلطان:ابوي انت معاي
سلطان:شو كنتي تقولين ؟
ام سلطان:لاحوله ولاقوة ال بالله كلش مب معاي شكلك كنت سرحان
سلطان:السموحه امايه
ام سلطان:مسموح يا ولدي المهم ..ليش ما سرت المدرسه
سلطان تافف بقهر:اف ردينا حق طاري المدرسة
ام سلطان:ياولدي انا ما عندي غيرك انت وختك اطالع الله واطالعكم فابكم تتعلمون احسن تعليم
سلطان:اف زييين احين بروح اتجهز حق المدرسه
ام سلطان بحنان الام:اذا تعبان خلاف روح
سلطان:ماعلي باس بروح المدرسه عشان تعرفين اني ريال احب الدراسه وبستوي بذن الله شي في المستقبل
ام سلطان وهي تبتسم حق ولدها بحنان:بذن الله
ابتسم وهو يبوس راس امه ويروح يجهز حق المدرسه

وصل باص مدرسة جواهر ونزلوا البنات منهم الفرحان ,ومنهم الحزين وال حاس انه بيكون اتعس يوم في حياته..
منى:وفديت مدرستي
جواهر:هههههه اونه فديت مدرستي طوفي خلينا نحدر
منى:هههه زين زين
حدروا جواهر ومنى المدرسة وطراااااخ..
..........:انتوه ايه ماتجوف يدامكم
جواهر بعتذار:سوري فديتج
..........:هههههه اونه عاد سوري..وهي ادز جواهر بحتقار:اقول خوزي من جدامي
منى عصبت:انتي شو ماعندج مذهب البنت قالتلج سوري
جواهرخافت على ربيعتها:بس خلاص سكتي..وبهمس في اذن ربيعتها:هااي بويه
.........:الحين انا ماعندي مذهب ..انا براويج ال ما عندها مذهب شو تسوي
وتضاربت البويه مع منى ويو البنات والاداره يخوزن البنتين عن بعض..
في غرفة الاخصائيه..
الاخصائيه:حشى نحن مب في مدرسة بنات اولاد
منى:هي ال ابتدت
البويه:سكتي وال بيج ازود من الضرب
منى بجبروت وقوه:روحي لاه
البويه عصبت وقامت تبا تضرب منى بس الاخصائيه مسكتها:هديني عليها
الاخصائيه:بس شو مالي حشيمه عندكم
منى:اسفه ابله بس انا وحده ما اداني اجوف الغلط واسكت
البويه طالعتها بقهر
الاخصائيه:بثينه منى انتوا زميلات في نفس المدرسه ومفروض ا ن هاي الاشياء التافه ماتحصل من بينكم يالله اعتذروا
بثينه:ايخسي اعتذرلها
الاخصائيه:بثينه
منى:لتعتذرين انا بكون احسن منج ..بثينه انا اسفه
بثينه سكتت وهي تطلع من غرفة الاخصائيه ماعندها رد
الاخصائيه كبرت منى في عينها:بارك الله فيج يابنتي
منى وهي تبتسم:ولو ابله مهما يكون لازم يخلص الموضوع واحسن طريقه الاعتذار
الاخصائيه:منى
منى:ههههه اقصد لازم اعتذر
الاخصائيه:تقدرين تتفظلين فصلج
منى:اوكي ..ومشكوره ابله
طلعت منى من غرفة الاخصائيه وهي تجوف جواهر واقفه تترياها ,والخوف باين في عيونها.
جواهر:هاه طمنيني شو استوى؟
منى:ماشي يالله نلحق على الحصه قبل لا تبدا
جواهرحست ان منى ماتبا ترمس عن الموضوع:اوكي
وساروا حصتهم..
(بثينه..جميله حييييييل بس هي بويه وكل تتصرف مثل الاولاد 10 سنين)
في مدرسة سلطان..
وصل سلطان مدرسته متاخر وهو يجوف المدير يترياه ونظراته تقول ياويلك
سلطان وهو يبوس راس المدير:شحالك حضرة مديرنا الموقر
المدير استحى ماتوقع ان سلطان بيبوسه ع راسه
المدير:الحمدالله ..انت شحالك ياولدي
سلطان:دامك بخير فانا اكيد بكون بخير..(يقردن المدير)
المدير:ههههه هاي الحركات ماتمشي معاي ..ليش متاخر؟؟
سلطان بتافف:اف كنت مشغول
المدير:مشغول بشو ياحضي
سلطان:امي تعبانه حرام اقعد معاها شوي
المدير:اقول قوم انجلع صفك وهذاني اقولك المرة الياية اذا يت متاخر مدرستنا ما تحدرها ال بولي امرك
سلطان بملل:زين زين
خطف سلطان حذال المدير ساير صفه...
في الصف الاولاد سوالف وضحك والمدرس يحليله يحاول يسكتهم عساس يبدا الدرس
حدر سلطان وهو يرفع ايده :السلام عليكم شباب
الكل:وعليك السلام سلطان
شهاب:تعال تعال اقعد ليش متاخر يا ريال
سلطان وهو يقعد حذال ربيعه شهاب:بيني وبينك مابغيت أي المدرسه
شهاب:افا ليييش
سلطان:بالذمه حد يهد البيت واي المدرسه حق الكراف والكتب
شهاب:ههههههههههه
(شهاب..يتمتع بجاذبيه قويه ملامحه رجوليه وتجذب ال يطالعه طيب وحيل رومنسي 14 سنه)

مكان اخر...
في قلعه كبيره جداا كل ال يجوف القلعه يقول انهم من اكبر هوامير البلاد وما دروا ان كل ها الاموال والجاه عمرها مايابت السعاده ..
كانت القلعه كبيره جدا جدا بحيث انها تتكون اكثر من ....طابق اجنحه فاضيه ,واجنحه يسكنونها اصحاب البيت الواسع.. كبير العائله ..اليد حارب صاحب ثروات كثيره في كل ارجاء البلاد عنده من العيال سبع ..خمس رجال..وامراتان

عيال اليد حارب هم..
البكر منصور عمره 45سنه متزوج وعنده عيال اسم زوجته عاشه ..عيالهم اربع هم
الاول ..حارب سماه على اسم ابوه حيييل وسيم طررر ال يطالعه مايروم يقاوم جاذبيته 28 سنه متزوج وعنده بنت عمرها 4 سنين
الثاني..عبيد وسيييم بس مايوصل لمستوى الجمال ال يتمتع فيه حارب 26 سنه
الثالثه..مديه جميله وناعمه طيبه وتموت على يدها حارب 22 سنه
الرابع..عبدالله على نياته يحب الكل ومايحقد على حد حلييو عمره 20سنه

الولد الثاني لليد حارب هو سالم عمره 40 وعنده من الابناء بنتين توام
سميه وساميه ..حييييل يتشابهون بس الفرق ان سميه شعرها طويل ,اما ساميه شعرها بوي وفيها شامه معطتنها جاذبيه جذابات اعمارهم 18 سنه

الولد الثالث صالح.عمره 39.وعنده ولد واحد ..
زايد ..وسيييم وجذاب عصبي ومغروروجايف نفسه فوق والكل تحت ما يعترف بالحب عمره 22 سنه اربيعه عمه ذياب

الولد الرابع اسمه مايد عصى ابوه وتزوج وحده مب من مستواهم ,ومن برع العايله عمره 36 عنده ولد وبنت مايدري عنهم اليد حارب

الولد الخامس ذياب..طررر يشبه ابوه مايامن بالحب ويتمنى يتم طول حياته عازب عمره 30 سنه يحب اخوه مايد وهو قدوته بس تغير من تزوج مايد وطلع من القصر لجل يشتري حبه وعلى قولة اليد حارب يشتري بنت الفقر هههه

المراتان..
خوله عمرها 43 سنه عندها ثلاث اولاد
الاول منصور حليو عمره 25 سنه
الثاني حميد وسييم عمره 23 سنه
الثالث حمد وسييم يشبه حميد عمره 20 سنه

خلود عمرها 41 سنه عندها بنت وحده
ميثا..حوريه بشريه مغروره تحب ولد عمها صالح واسمه زايد عمرها 19 سنه..

اليد حارب كعادته في كل صباح يالس يتريق مع عيوزه اليده وديمه
اليد حارب وهو يشرب الفنيان:شو مانشوا العيال
اليده وديمه:عيالك كلهم ساروا الشركه ومعهم عيالهم
اليد حارب:والبنات ساروا الجامعه
اليده وديمه:كلهم ساروا معدا ميثا
اليد:وميثا ليش ما سارت الجامعه
اليده:وعلي عليها تعبانه اشوي
اليد:زين عيل بقول حق خلود توديها الدختر
اليده:ماله داعي الدختر بتنام ومن تنش بجوف نفسها احسن
اليد:على خير ومن العيال محد موجود
اليده:امبلى حارب وزايد
اليده:زين خليهم يجهزون بشلهم معاي العزبه
اليده:حارب بيلس ياحرمته هي محتايتنه في شهور حملها الاخيره
اليد:ال هي في أي شهر
اليده:السابع
اليد:وبنت حارب غيبوها كالعاده ولا سارت مدرستها
اليده:حارب بنفسه وداها المدرسه
اليد:زين عيل زقريهم بوديهم معاي العزبه
اليده:بس حارب مايقدر
اليد:بسه من مقابل حرمته ماعليها باس
اليده:على امرك
اليد:بسرعه
اليده:ان شالله

نشت اليده وديمه وهي تركب اللفت سايره جناح حارب..
في جناح حارب..
ساره:حروبي حبيبي شو فيك زعلان
حارب بدون نفس:مب زعلان
ساره بحزن:مليت مني
حارب:اف صدق ان الحرمة كائن غبي شقايل امل منج وانا مب مصدق اني مجبلنج ياحياتي انتي
ساره بمستحى:صدق حبيبي
حارب :صدق ياحبيبة حبيبها
ساره:ههه بعد عمري
حارب:فديتج
قطع عليهم حديثم طرق الباب
حارب:منو
اليده:انا
حارب:حياج يدو حدري
حدرت اليده وهي تسكر الباب وراها
اليده:شحالكم ياعيال
حارب وساره:الحمدالله
اليده:مابا اطول عليكم حارب ياولدي يدك يباك انت وزايد تسيرون معاه العزبه
حارب:ان شالله
ساره بحزن:بتهدني
حارب:حبيبي مابتاخر
ساره:بترياك حبيبي
حارب ابتسم باسها على خدها وراح
ساره ابتسمت بخجل,لبس ثيابه ع السريع
اليده:ولا تنسى تزقر زايد
حارب:ان شالله يدوه الحين بزقره
اليده:بارك الله فيك ياولدي
حارب خلص وتجهز وسار في دربه جناح زايد وهو يدق الباب
زايد:ياي ياي
زايد وهو يبطل الباب:نعم
حارب:اجهز بسرعه يدي يبانا نسير معاه العزبه
زايد ببرود:مب ساير
حارب:انت شو تقول اقولك يدي يبانا نحن الاثنين نسير معاه
زايد:افف حارب تراك عورتلي راسي اقولك مب ساير قول حق يدي زايد تعبان أي شي اوكي ..وسكر الباب
حارب:اااه يا جليل الحيا
وسار عند يده ال كان يترياه.. اليد في البدايه عصب ليش ان زايد ماطاع يسير معاه بس بعدين قال ماعلي خله على راحته
بعد ماراح حارب ومرورربع ساعه ابتسم زايد بفرحه وهو يسمع طرق الباب
زايد بصوت رومنسي:حدري حدري ياحياتي
حدرت وهي تبتسم وتصكر الباب وراها:قلبي ليش واقف بعيد تعالي اااه ماصدقت ان الغبي ريلج ذلف عشان يفظالي الجو معاج ههههه
ساره وهي موطيه راسها بمستحى:ولا انا
قرب زايد وساره تبعد لين مالصقت في اليدار طالع بطنها
زايد:في أي شهر
ساره بخجل:السابع
زايد ابتسم وهو يغمزلها:مني ولا منى حارب هههههههه
ساره استحت وسكتت
زايد عاد السؤال وبصوت رومنسي :من منو
ساره رفعت راسها وقالت بهمس:منك
زايد ابتسم:وحارب يدري
ساره بخوف:لا مايدري الله يخليك لتقوله
زايد:اممم كشخه حياتي البنت منه والولد مني هههههههههههههههه
ساره:زايد بنتي ماباها تكره ابوها
زايد:كيف بتكرها وهي متعلقه بحارب لتخافين بنته مالي شغل فيها لي شغل بس بلي في بطنج (يقص عليها)
ساره بمستحى: تسلم عسى الله يخليك لي
زايد بجذب:امين
قرب منها وهو يبوس خدودها بعدته بدلع
ساره:قلبوا خاف حروب أي اجوفك بعدين ببي
زايد وهو يبوسها بوسه طويله على ....:انا مابقول باي بقول مع السلامه لاني واثق انج بترجعيلي
ساره:اكييييد
وراحت
ابتسم وهو محتقرنها ,ومحتقر كل البنات لانهم في نظره نفس ساره زوجت حارب
زايد في قلبه:والله انه بي اليوم ال بخلي فيه حارب يدري بكل ال تسوينه الخاينه

بعيد عن قلعة بومنصور وفي مكان اخر بالتحديد فريج ال...
بيت بوسلطان...
ام سلطان:العنود ..العنود
العنود:ياي اميييه
ام سلطان:ساعه لين ماتين
العنود:السموحه امايه كنت انشر الغسيل
ام سلطان:امييه لين متى بتمين على ها الحال قاعده في البيت بريحاتج ورافظه تسيريين المدرسه
العنود:خليني جي احسن على الاقل اكون نفاعه
ام سلطان:وانا واخوج وييين رحنا
العنود:انتوا الخير والبركه بس بعد انا ابا اكون مفيده مابا ادرس ابا اخدمج وبس
ام سلطان بحزن:الله يهديج يا بنتي
العنود ابتسمت وهي تروح تكمل شغلها
(العنود..بنت جميييله بشكل مو طبيعي عصبيه حيييل وجاده عمرها 12 سنه )

في العزبه.......
اليد:من زمان ما طمنا على الحلال
حارب:وانت صاج يدي
اليد:زين ياولدي خلنا انسوي جوله
حارب:ان شالله

في جامعة الامريكيه...
.......:ميثا ليش يالسه هني تاخرنا ع المحاظره
ميثا:اف مالي بارض سيري انتي
.......:ميثا يا حبيبتي ها مستقبلج وانتي مب مهتمه لا حق دراسه ولا جامعه لين متى
ميثا:نورووو مب متفيجتلج بقعد في الكوفي شوي وخلاف بلحقج
نوره بحزن:ماقول غير الله يهديج

بعد مرور ساعات ....
في مدرسة جواهر.....
جواهر وهي ترتب جنطتها :يالله ماباقي شي ويدق الجرس
منى:وانتي الصاجه حطيتي كتبج كلها في الجنطه
جواهر:هي حطيت
منى:تصدقين جواهر
جواهر:شوو؟؟
منى:عندي وايد اشياء اتمنها
جواهر:مثل شو
منى:مثل ان الدنيا توقف في لحظة
جواهر:هههه شقايل توقف الدنيا بعدين كيف بنعيش
منى ببتسامه:بنعيش بالطريقه ال تعيبنا بدون هم والم
جواهر:الهم ودعنه من زمان هههه باقي على اصحاب النفوس الضعيفه
منى:لا والله
جواهر:هي والله
وفجاة......دق الجرس والبنات طيران منهم ع باصاتهم,ومنهم ع السياير ال تترياهم برع المدرسه المهم ركبت جواهر مع ربيعتها منى الباص وهم راديين بيوتهم