يمي وسهل مو صعب ينلاح
ودايخ بي وافكر يمته الوحه
من كد ما حلو مو دوخ الناس
من كد ما حلو داخ اعله روحه
اشكد شايف شفايف فوكهن شامات
بس مثل شفتك ابد ما ملتقي بشفه
بيده لفه وياكل من الجوع
من كد ما حلو عضته اللفه
اعدك واشتبه وارجع واعد بيك
واغلط وانتبه واحلف بعد ما اعد
واعدك من جديد وجني ما عديت
الف مره حسبتك وانته بس واحد
عليمن من تمر ترفع رمش لوعين
ولك صدك بس جيتك كافي
ما اصفك بدي صدك ولك لو جيت
من كثرت حلاتك اتصفك اشفافي
ما شايف كبل واعيوني عثرن بيك
اول ما صحيت اعيوني الك صدن
شفت مو بشر شفتك كمر عالكاع
ومن تمشي الكواكب كلهن ايسجدن
موضوع: ومضات 
السبت يونيو 20, 2009 2:41 am
