ابوذيات جميلة عراقية حلوه

ابوذيات جميلة

--------------------------------------------------------------------------------

قيمة البشر مو فلوس وسـيارة ... وعمارة

البشرللموت يمشي شما طالت ... عمارة

مدرسة غيرة وزلــــــــــــــم ارض .... العمارة

للحگ فزعو فرد فزعة وكلهم ناصرية



· ثلة ارجــــــــــال سبعين لحسين ... ناصرينه

اما من نـــــــــــــــــــــــاصر وقلة .... ناصرينه

بالرجال مجربة كـــــــــــــــــدهه .... الناصرية

اخلاقها بالعرف مضيف وديوانية



· ضيفي اله عيــــــــــوني وصدري ... ديوانية

بالشعر اسولفله شـــــعر ونظلمه.... ديوان

يالگاصد ارض الــــــــــــعاصمة مر... بالديوانية

تلگاها ابية نفس هي مثل كركوك



· جميلة مكـــــــــــــــــــحلة بالنفط ... كركوك

وعيون الطــــــــــمع كلهه على .... كركوك

العرب گالت الي والكرد تتمــنى ... كركوك

تندرج لقليمهم وتصبح مثل اربيل



· حر البصــــــــــــرة ماينحمل ومعتدلة ... اربيل

طبيعة وبالشـــــــــــــكل اوربا .... اربيل

اريد انشدكم ياعرب هم عدكم نفس ..... اربيل

عروس الوطن ومكمل حسنهه السليمانية



· مغرورة بحلاوتهه حگـــــــــــــــــــــها ...... السليمانية

اتفك الصدربسحرها وجبلــــــــــــــهه ..... السليمانية

جمال وحسن منــــــــــــــــــظر اهل ...... السليمانية

بس لو تصعد للثريا ما تلحگ البصرة



· وحگ الواســـــــــــــــــــع بسمعه و ... بصره

وعدوي لو نظرني بشــر ماخوفني ... بصرة

بصري انه ولحد المــــوت اعشگ ... البصرة

تواصلني بأصالتهه وبهواها موصل



· سليكون بهواكم لانيعــازل لاني .... موصل

رحمة الله عالما گطع رحـمه ودوم .... موصل

هايم بأرض نبي الله يونس الشگرة .... موصل

لو ما هي ما حلت بعيوني بغداد



· احباب الي نحبهم ماردونا

ومثل مرد الطماطم ماردونا

وسط الهدف وشوت ماردونا

شجيب الكولجي يصدها اليه



· الحلو مو بالارض يمشي على جلاي

وضربني وسط دلالي على جلاي

ضربني ضربة محمد علي جلاي

وفاز بالجوله الاولى عليه