كلنـآ لك يـآعراق ..

كلنا لك يا عــــــراق
غبشنه ويالفجر كلنه ....گبل شمس الله ما تطلع
أجينه محزمين حزام مابينه الذي يرجع ....
أجت دجله بظهر مهره ........
تشد بينه العزم والغيره والمنبع
وفرات العز سرج حيله جاب أميته التلمع
ألك منذوره كلها يا عراق الخير......
وخلي الما سمع يســــــــــــمع
ليهمك ســــواد الغيم من يمر ....
الغيم شــــما كثر يگشع
سفانه الزلم والبحر بيه أطباع ...
يشد موجه ويخلي الماركع يركع
أحنه أحرار دوم وياك
بيك أنعيش واحدنه ألف صعصع
والعايل نرد كيده لعد نحره .........
وناخذ حگنه المربع .....
كسرى شما كبر خله ......
لابد ما سعد فد يوم يرجعله
وعرشه بيده يتزعزع
زلم نامت على البردي
وتغطت بالفشگ والفاله والمدفع
هولاكو أجانه بثوب أمريكا
وراد الكل اله يخضع
لجن هيهات عدنه ارجال
من دم الحسين اليوم لبسوا ثوب المدرع



اللهم احفظ العراق واهله