مع تحيات نور العيون تدللون عيوني

على شوفك امس ولك صار
ورفض كلبي كل مطلب لغيرك ولك صار
كلت باجر امر يمك ولك صار
سبع سنين مامريت بية
___ ___ ___ ___ ___

سكاني الدهر من فركاك بس مر
وعسل ما شفت من دنياي بس مر
رمش عيني افرشة ابساط بس مر
ترد الروح من تسئل علة
___ ___ ___ ___ ___

طبعك مو شجي وكتلك شجاني
اشجنيت وياك بس كلي شجاني
امس جنت انحضن وانشم شجاني
قنفذ والحضن حصره عليه
___ ___ ___ ___ ___

حبك بالقلب بسمار مندك
واحس كلبي يسولف بيك من دك
كمت اركض عالنقال من دك
لان ادري العزيز اتصل بية
___ ___ ___ ___ ___

وحق من غنت الاطلال وانساك
ماتحله الليالي بغير ونساك
وصوتك مومثل كل صوت ونساك
فلا مر يوم النسيان بية
___ ___ ___ ___ ___

كتبنه كتاب لاجن بيه سرنة
وأبد للغير ما ينباع سرنة
انتة بدرب وانا بدرب سرنة
وبعد هيهات جمعتنه سوية
___ ___ ___ ___ ___

الك بايع دليلي وانتة حربي
يتيم بجمالك وانتة حر بي
افجر كلمن يحبك وانتحر بي
لان مخصوص حبك بس اليه
___ ___ ___ ___ ___

احبك حيل وكلبي بحبك تولع
اقسى شما قسيت وياي لااملك ولااجزع
لعد روحي اشذنبهة وياك بنار هواك تتوجع
وكلبي الفاضحني عليك اكله ارجع وما يرجع
وعيني من البعد متنام ضلت الك بس تدمع
___ ___ ___ ___ ___ ___