شعر جميل جدآ (( أحبك مولئن أنته حلو لا ))

أحبك مو لئن انته حلولا..

لئن روحي ألتقت كبلي ولك بيك.

أذا انته تمر ع الأعمه يصيح ألله

والأخرس لون حاجيته يحاجيك

أذب كلبي أعله سهمك واني مجروح

وأكلك دير بالك خاف أأذيك

أجرحني ولك بس كون ع الكيف

لئن انته وي دمي وخاف أبدييك

أجرحني ولك بس كون ماموت

حته من يتهمونك ابريك..

ع المرايه وكفت ماشفت وجهي

شفت وجهك طلعلي وكمت أحاجيك

وثبت بمرايتي وجهك أمرايات

وتباوع وجهه امرايتي بيك

بكذلتك شد ركبتي وطلع الروح

اريدنه بعد تتقرب اعليك

انته بحظني بس أعتبرك بعيد

أريداً هيج كون انه أنخبط بيك

بيا شارع مشيت كبالي الكاك

ادور بغير شارع هم الاكيك

ارد للبيت كبلي الكاك بالباب

تطب كبلي وتكلي اتانيك


تالي الليل أكلهم باجر أنساك

أفز من غبشة ألله وأحجي بس بيك

بغيرك فكرت كلت حتى أنساك

طلع غيرك يشبهك فكرت بيك