محاوره شعريه .... بين... بنت الريف وبنت المدينه

جبت الكم محاورة شعرية بين بنت الريف وبنت المدينة وانشاء الله تعجبكم


بنت الريف:
اهلا وسهلا بيج يا مسيرة للريف ... ابهذا السلف كل بيت يتباهة بالضيف

بنت المدينه:
عدكم بهذا الريف حلوه الطبيعة ... والنهر والاشجار صورة بديعه

بنت الريف:
كلشي حلو بالريف حتى المحبه...نعيش بموده وخير والعشرة طيبه

بنت المدينه:
بنت المدينه تعيش ما بين العطور ... وبأحدث الازياء وبعالي القصور

بنت الريف:
احنه عطرنه الهيل وباللبس راضين ... وشوفي شحلاته الدار وسط البساتين

بنت المدينه:
عدنه الاكل وجبات كل وجبه من لون ... وكل واحد من البيت كدامه ماعون

بنت الريف:
يتصدر من الريف اكل المدينه ... وعدنه لذيذ الزاد من زرع ادينه

بنت المدينه:
هاليوم ازور الريف بأحلى الفساتين ... وانتن ولو حلوات لكن مساكين

بنت الريف:
يا خية والعباس بعز وهنه نعيش ... وعدنه الكلوب نضاف مثل الدشاديش

بنت المدينه:
بنت المدينه هواي تهوى المظاهر ... وتطلب العنده المال بنت الاكابر

بنت الريف:
خيه احنه نهوى الزين واليستر الحال ... والوفه بهذا اليوم ما ينشري بمال