ღ الأبو ذيـة ღ
عليك اشكد رجف قلبي وداري
ولجل عينك بعت ملكي وداري
اضن تعلم بضيمي وداري
شكد احبك ونت تضحك علية
كتلك اخذ كلبي وكتلي متريد،،،
كتلك ما اريد ولا شبر بينا كتلي بس متر اريد ،،،
والله لو تلعب ابرشلونة ومدريد،،،
متقربك حتى الفيفا عليه،،،
شكثر سامع قصص بالحب وقاري،،،
وغرامج ثبت براسي وقاري,,,
ملة اصبحت بفراكج وقاري,,,
ادك والطم هواج شعمل بية,,,
تغيب الروح بغيابك وردها ،،،
وكتاب جفاك من عندك وردها ،،،
وروحي بفرقتك يذبل وردها ،،،
ماي انته وترد الروح بيه ,,,
ناس اللي تمن ما اريد منها ،،،
وقصتي مالها وياك ملها ،،،
عندي روح وتعاجزت منها ،،،
احس انها غريبة مو الية،،،
يهل تنشد عن حالي ولوني ،،،
جنت مهيوب واحبابي ولوني ،،،
واخويا يريد من لحمي ولوني ،،،
جتلني وضحك العالم عليه،،،
لون تدري عليك شكثر ونيت،،،
نشدت اوماحصلي اجواب ونيت،،،
كطعت عليه كل مرسال ونيت،،،
شنهو الصار ماتسئل عليه،،،
حمامة الفرت من أيدي ولاجت،،،
وعليها الروح تتعذب ولاجت،،،
من أمس لليوم لا حطت ولا جت،،،
ولا الها جدم بأرض الوطية،،،
للعراق اندحر ظالم ولاهم،،،
عجبيبة الناس لغيره ولاهم،،،
يارايد للدمار أفرح ولاهم،،،
أعدانا كثرت وصارت وليه،،،
الصديق اللي نشوفه نقي ونظيف،،،
نود كل يوم نبدي اعليه ونضيف،،،
على طيبه نجمل طيب ونضيف،،،
،،،بكثر معنى الحـروف الابجديه
ما يوم الدمع بطل و جاري،،،
انتخيت اهل الشرف كلهم و جاري،،،
غزاني المرض يا وسفه و جاري،،،
وي ادماي ظل يسري سويه،،،
موضوع: (`'•.¸(`'•.¸الابوذية¸.•'´)¸.•'´ ) 
السبت نوفمبر 21, 2009 4:09 am
