يا جمهور تامر ياللي بتحبوه. تامر مش مسؤول عن خلافاتكم .. ابعدوه عن مشاكلكم .. ريحوووه

خلاااص
مش هاسمح باللي بيحصل دا
مش هاسمح إن أي مشكلة بتحصل في أي مجال
يبقى ضحيتها تامر
مش هاسمح إننا نحط مشاكلنا في تامر
مش هاسمح إننا نعبر عن غضبنا عن طريق تامر
مش هاسمح إن تامر يبقى وسيلتنا للإنتقام
مش هاسمح إن تامر يتأزّى عشان مشاكل ما بين شعوب
مش هاسمح إن أي مشكلة كورة أو غيرها تأثر عليه
مش هاسمح إن أي حد يغلط غلطة تتقلب على تامر
غلطة ما لوش زنب بيها بيخلو هو السبب فيها
غلطة ما لوش أي صلة أو علاقة بيها بيلزقوها بيه
مش هاسمح إن أي هبّة ريح تتوجه في وش تامر
مش هاسمح إن تامر يتأزّى بسبب مشكلة بين دولتين
زينبو إيه الفنان دا ؟
زنبو إنو مصري ؟
ما في غيرو فنانين كتير مصريين ..
ليه ما حليش بعينكم حد غيرو
ليه لقيتو الأنسب إنكم تشنو غضبكم عليه ؟
ليه تامر حسني ؟
ليه هو ومش غيرو ؟
بعمري ما قولت مش هاسمح
بس المرادي هاسمح لنفسي إني أقول الكلمة دي
تامر حسني مش الإنسان اللي يتحمل مشاكلكم وصراعاتكم
تامر حسني ما لوش زنب إن يبقى وسيلة إنتقام
تامر حسني إنسان ..
مش حزب عشان يبقى مسؤول عن أي صراع ما بينكم
تخانقتو عشان الكورة ؟
ليه يبقى هو اللي تفجرو غضبكم بيه
كلامي دا موجه للكل .. صحافة .. إعلام . تلفزيون
جزائر . مصر
ما تدخلوش تامر في خلافاتكم دي
تامر مش هو اللي خلاكم تختلفو
تامر مصري ومن حقوا يبقى مصري زي كل المصريين
اللي بيدافعو عن حقهم
تامر مصري زي أي مصري
مش معنى إن هو فنان مصري يعني
هو مسؤول عن المصريين كلهم
مش معنى إن هو فنان يعني أي غلطة بتيجي من المصريين
هو اللي بيبقى المسؤول عنها
يا جزائريين اللي بتشتمو تامر ..
مش تامر اللي شتمكم
تامر دا اللي اما هاجموه عشان شال علم الجزائر
قلهم انا بحب الجزائر
وعمري ما نسى أحلى إستقبال استقبلوني بيه
يوم ما كنت على أرض وطنهم
يا جزائريين تامر قال إنو مستعد يشيل علم بلدكم تاني
لكن لما الحكاية وصلت لكل ابن مصر
إن الجزائريين بيضربو المصريين وبيقتلوهم
طبيعي تلاقي تامر متعصب ..
طبيعي تلاقي تامر متضايق ..
طبيعي تلاقي تامر مستنكر
هتيجو تلومو تامر بيقول على الجزائريين متهورين ليه ؟
ما تامر زيو زي كل مصري
وصلو أخبار العيل المصرية اللي بتضرب
تامر زيو زي أي ابن بلد بيرفض إن كرامة أهلو تتهان
تامر زيو زي أي مواطن
تامر مش رئيس جمهورية مصر
تامر مش رئيس حكومة مصر
تامر مصري متعاطف مع أهل وطنو
مش هيسمع ان أهل وطنو يتعرضو للضرب
من الجزائريين ويبقى هو الوحيد اللي يقول
" بحبك يا جزائر"
يا تيمورية الجزاير ..
صحافة الجزائر
ليه لقيتو تهاجمو تامر ومش فنانين غيرو ؟؟
عشان تنتقموا من أكبر عدد مصريين ؟
ليه تامر يبقى وسيلتكم ؟
يا تيمورية الجزاير ..
بالسرعة دي استغنيتو عن تامر ؟؟؟
هو لو تامر مصري يبقى عدونا ؟
لو تامر مصري يعني هو اللي كان في الشارع بيضرب ؟
لو تامر مصري يعني هو بيكرهكم
عايزينو ما يتمناش إن بلدو اللي تكسب ؟
طب أي عقل يتقبل حاجة دي ؟
من إمتى إنسان وفي بينتمي لبلد معين
وبيحمل هوية معيّنة لازم يتمنى إن بلدو تخسر ؟
إنت يا جزائري تمنيت إن مصر تفوز عشان تامر ؟
طب عايز تامر يتمنى إن الجزائر تفوز ليه ؟
هو تامر عشان فنان ما يحقلوش يفرح ؟
ولا عشان تحبوه مش لازم يبقى مصري ؟
ليه جمهور تامر أول حد يتأثر بالأجواء الخارجية ؟
ليه جمهور تامر اللي يدخلوه بأي مشكلة بتحصل
وبيخرطوه فيها ؟
ما في مليون فنان مصري وفيه مليون فنان جزائري
لسا ما سمعتش عن فنان بيخسر جمهورو عشان لعبة كورة
لسا ما سمعتش عن جمهور فنان بيتفكك بسبب الخلافات دي
عشان ما حدش ربط الفن بالكورة
وخلى فنانو هو المسؤول لمجرد
إنو بيحمل جنسية من الجنسيات
الاتنين دول غيرنا ..
طب ليه ؟ ليه بقينا ضعيفين كل دا ؟
ليه بقيت الصحافة أو حاجة بتهاجمها هي احنا ؟؟
شايفينا من أول كلمة بنعمل حرب على بعض
شايفينا من أول كلمة بنتقسم وبنقوم نحارب بعض
الناس بتقول علينا أصحاب العقول الصغيرة ..
هو احنا بقينا كدا بجد ؟؟؟؟!!!!
هو احنا أي حد ممكن يوقع ما بينا ؟
هو احنا بقينا بندور على سبب
عشان نوري الناس خناقاتنا ؟
أول حاجة بتحصل ..
بنجري نشوف تامر عمل إيه ؟؟
تامر قال إيه ؟؟
كل ما تحصل حاجة
نلاقي مليون خبر عن تامر حسني وبس !!
ومليون كلمة على لسانو
وألف شخص بيهاجموا ..
مش قادرين نعمل حاجة
مع المسؤولين الأساسيين نشوف تامر
ونفض غضبنا وحقدنا فيه
خلااااص بقى
ما تامر تعب واحنا تعبنا
والناس شبعت ما لهاش سيرة غير سيرت خناقاتنا
ارحموا تامر يا جماعة
ارحمونا !



كلمة واحدة هقولها
مش هاسمح
بتنزيل أي توبيك ليه علاقة
من قريب أو من بعيد بالكورة
أي توبيك فيه كلمة مصر والجزائر
هاحذفو من غير ما شوف محتواه
هاحذفو من غير تردد عشان
مش قسم تامر اللي نناقش حاجات زي دي
المجلات مليانة صفحات تشهد على شكواكم
وفي مليون محطة تشهد على حقكم
لكن مش تامر اللي بتحمل كل دا
ولا قسموا مسؤول انو يحل المشكلة اللي بينكم
سيبوه يتحرر ولو مرة واحدة من مشاكل ما لوش علاقة بيها
ولا حتى تدعو للهدوء في قسمنا
احنا موجودين هنا عشان تامر وبس !!!
حتى التوبيكات اللي بتتدعي لصلح هتتحذف
دا القسم كلو اتقلب توبيكات زي دي



اللهم اني بلغت اللهم فاشهد
عشان ما حدش يلومني على توبيك
يا ريت كلنا نعتبر دي
نقطة نهائية لحوار مصر والجزائر
في قسم رابطة عشاق تامر حسني



ويا ريت ما لقاش حد بيهاجمني على كلامي
عشان أنا كتبت التوبيك دا
وانا في بالي إنسان واحد بس
تامر حسني
لا مصر ولا الجزائر ولا أي بلد
ولا هاماني خناقات في الآخر هتتحل