راح او ما رجع

( راح او ما رحع)

قصيده لشاعر انقلها اليكم عسى ان تنال اعجابكم (العنوان لي )لانها كتبت بدون عنوان

رايح عالنتيجه او راجع ابساع مو هذا كلامك يمه ليه

ليش اتعطلت يمه العصر فات وبدت تعصر ابروحي المغربيه

هلاهل ترس صدري وبيدي جكليت وكبل اسبوع مشتريه الهديه

اتاني ؟وخبر عاجل طكني بالكاع انفجار ابجامعه المستنصريه

ولك يمه وصلتك ازحف ازحوف لان رجليه ماتت كبل اديه
لكيت اكتابك او ما شفتك اوياه عفته اشلون مو رحتوا سويه

او جثه اتصيحلي من بين الارماد مو هي كلت وانه ادري هي

حاجيني دخيلك يا ضوه العين الشظيه الصابتك موبيك بيه

انه اشتاكيت ابوس اجفوفك اليوم ابكد ما بوسة انته بديه

وصيت والدك بيدي انه احنيك ترضه ايكول خلت بالوصيه

اعرفك غيره كلك تفزع الموت او تكعد من اشك ثوب العليه

اعز الناس جنت اتكلي ياحيف اعز الناس ذلته المنيه

ياحيف القدر المن انمديت اوليش تناوشت نجم الثريه

ابني الي بجت لجله الحمامات وختاظ الكمرونخسف ضيه

ابني ابن العراق وامه بغداد ياهو الكال مجهول الهويه

ياهو الكال مجهول الهويه

ارجوا ان تنال اعجابكم ؟؟ وشكري وتقديري لهذا الشاعر الاصيل

مشكورة اختي نونو