انا بلياك ... يلا حبايب ادخلو

انا بلياك

انا بلياك كلبي شما يدك يبرد
يا باب الفرح والحزن مد الشوف
خايف لايهب عالي الهوه وتنسد
يا اسود رمش هنيال لون الليل
لان ويه عينك دوم يتودد
فضلك عل حسن انت اخر العنكود
وبستان الورد لو لاك ما ورد
يل زفه عرس ضحكتك تالي الليل
وياعين الصكَر بالزعل من تحتد
يل تدلع غنج واليحب مو كَصاي
وانت اعله الجتل مبخوت تتكَصد
يا صوغه هدايا وفضفضات الليل
لا تلتم بديه ولا هدي وتنشد
دعَودني اعله بعدك وانت ابو الطيبات
بلجَن عل بُعد يمعود اتعود
كَالولك حلو وخلوك بيه اتجور
والكَلك شوصف بيك وشعدد
اشو لا مو حلو وما تشبه الغزلان
ولا ريح القرنفل بيك لو ورد
ولا عينك مسافه وبسمتك سلوان
ولا كل اليشوفك تُمر يتحدد
ولا الله ابتلاني وخالطت جيلين
ولا عمري اعله شربه ماي يتفرهد
ولا تزهي بشبابك ماخذك طغيان
ولا انت العزيز البيك بس اركَد
ولا صوتك شعر وحجايتك ناكَوط
وبشفافك نضاره الما حواها احد
ولا غاوي ولذيذ وتشبه النعناع
طيبه وطيبتك كل يوم تجدد
ولا طولك مصيبه ومثل كل الناس
حسنك مو قضه وخدك مثل كل خد
يا اسهل من اسمي وصعب حد الغيظ
وطلاسم لو ردت وياي تشدد
صدكَني احــبك حب غريب الطور
واحب صبرك عليه وما كَلت لاحد



وشكرا

كرسبو العراقي