انت عينك على شفتي

على شفتي وانه عيني اعله الشفايف
وانه كل اعضامي ترجف انت خايف وانه خايف
شلون هسه منهو يحجي منهو يبدي بالسوالف
انت لو اني دخيلك ؟؟؟
مو همت وكليبي تالف
أدري بعيونك تحبني
وكلبي لعيونك موالف
بس تعال اليحجي كلمه
بلا خجل وبلا مخاوف ؟؟
ما خجلت بيوم مره
وبالحجي شايف وعايف
وياما يا ما لساني غازل
وسكتت ياما مضايف
وهسه اريد احجيلي كلمه
مرتبك جسمي يتراجف
وانت.. وانت شو هم مثلي ترجف
وبالعرك شو مثلي طايف
شصار بينه شمر علينه
شكثر مرينه بمواقف
ماخجلنه وما رجفنه
وما نبوك العين طارف
جنهه مو كلمه احبــك
جن جبل بلساني
و أرد أكلك شنهي هي
كلمه لو جرم ومخالف
شو احبـــــك حيل احبــــك
كافي عركانين وندور مناشف




وشكرااا

كرسبو العراقي