كلمات الشاعر حازم جابر .......دللنــــــــــــــــــــــــــي

كلمات الشاعر حازم جابر .......دللنــــــــــــــــــــــــــي

--------------------------------------------------------------------------------

مد طولك وي طول الدنيا تلگه الدنيا تلوگ لطولك وخصرك مثل الرگبه مدور عالي وبس عيوني تنولك يل ضميت اسرار بروحك سرك بلساني وماگولك اترف من الدمعه وادري شمسين انسجنن بحجولك لحاجب من ترفعه يموت السيف اليمر بيه يحده ماتشبه اي واحد انته زندك چن مشدود بعگده مرجوحه رموشك نعسانه وغافي بحضن خدود الورده مديت چفوفي الحيرانه وكلك ماع وعسل تبده شبسرعه الليل لمر بينا چن بايگنا وراد الشرده بس جرح الدنيا يفرگنا ملضومين بخيط وابره كل الناس اطوف بعينك ورموشك شباچ بحضره لو عينك دمعة بطيبه تغرگ كل الكون بگطره جبال الثلج لفوگ الدنيا ماعن من چفين الجمره ياحبيب ذبلانه الشفه ضاگت من شفافك تمره من تتمدد نهر وغافي ومن تتگلب مده وجزره ومن لميتك بين احضاني ضگت بحضنك حر البصره


`•.¸¸.•´´¯`••._.• ( الموقع الرسمي الشاعر حازم جابر ) `•.¸¸.•´´¯`••._.•`


http://www.hazem-jaber.com/