روحي مجنونه اوتحب
چنت اظن اتعلمت
آنه ثاريني اعثرت
بأول درب
مثل سباح الشواطي
حلمه غافي ابفي غرب
وصرت ليل وطافي شمعة
اسماي ظلمه ابلا شهب
ادموعي غيمه ابصبخة تروي
بلا نفع
من بجيهه شيبتني
وشيبت حتى الكصب
بشوگ حبك نار تسعر
واه ياناري شكثر تاكل حطب
اكلت اعظامي وسنيني
وماسلم حتى العصب
انصهرت احشاي ابجمرهه
ومخي شرباه اللهب
بيده سيف انتفض حرفي
بكل خجل مني انسحب
والخواطر من رماد
وحتى احساسي انگلب
دَگله بسمار اعله روحي
وياحسافه اعله القصايد
دمعي سال اعله الكتب
ذبلت عيوني الحزينه
بنار دمعي وبونينه
زاد طعنات الگلب
نزفت اجروحي حرف
ودمي سايل بالقصايد
ابحركة تسألني النفس
ها ولك شنهو الذنب
وليش وكتك هيجي صار
وشنهو ذنبك تنصلب
ذنبي گلبي بروح طير
اوروحي مجنونه اوتحب
...
موضوع: روحي مجنونه اوتحب... !! 
الخميس أكتوبر 29, 2009 10:36 pm
