اجرح روحي بالسكته وأنوح عليك .....

الى الذي سافر دون وداع




حزنت عليك .....
حزن يعگوب ....
ودمع الخنسه مايوصل جرف دمعي
الك رده ... يالمسافر.....
أظل أتناك ......
لو آيس وأخمد بالحزن شمعي
لبس عاشورك أسنيني ....
وخريفك جَرَد اوراقي وخنگ سمعي
نزويت بروحي عن كلشي
ولهيبك بالچبد يسعي
أدگ بابك وأتاني ترد ...
أدگهــــا حيل ...
لچن المامش وعيناك ياعمري ..
هــــــدم حيلي وكسر ضلعي
أخذني وياك .. وين تريد .. لاترحل
مزگتني الليالي والگلب يلعي
يبو حچي الذهب يل طبعك توالم
سنيني ونخوتي وتراهم بطبعي
أخس الناس مد أيده وگطع ورداك
ويحســـــــــــــبون العمل شرعي
تاريخ الحلم سد بابه من مشيت
وصفت حتى الطيور بفرگتك تنعي
يهلهولة فرح يل چنت من تفوت
أميز طيب عطرك دون عن ربعي
عمت عينچ يدنيه شلون ترضين
كل يوم والچ حيل وتودعي
اذا ماني بچيتك ياضوه كل دار
چا المن يصب نيران دمعي
خليتك كحل مافارگت عيناي
وفرح بسنيني تمشي وانت كل نفعي
يقاموس الحچي ومكمل القاموس
بأخلاقك الطيبه الزيدت وجعي
لون البچي يرجعك چا نخيت الناس
وخليت العيون دموم تدعي
لچن حظي المعثر ماحوى الزينين
ومن بعدك خلص ثلثين أصبعي
@@@@@@@@@@@@
تحياتي نونو

تسلمي نونو على هذا الكلام المعسول

شكرا جزيلا

نسيت اكلج الله ايساعدج

هههههههههههههه عمو