ابوذيه عراقية يولم ردت للعتب ساعه وياك يولم

يولم
ردت للعتب ساعه وياك يولم
وتعرفت الاخوه احساس يولم
الطعن بالظهر تدري شكثر يولم
وهم محسوب اخو اليطعن اخيه

||||||||||||||||||||||||||||||||||||||||||||||\\
تلعب
شفت نجمه بسواد الليل تلعب
وروحي من تضوك الزاد تلعب
شكم حلوه لعد عيناي تلعب
وانه الحلوات شو بعدن عليه
<><<<<<><><><><<

ونصاك
أنا الثابت رغم همي وانا الصاك
رفعني الوكت ياشامت ونصاك
جزء مفقود من نصي ونصاك
انفقدت كل الابوذيات عليه

()((((()()()())()()()()()

مرمر
شمالك وعلي كَلبك صار مرمر
كضيت العمر كله وياك مرمر
لون قاسي وتريد تصير مرمر
اودعك بالعتاب وهاي هيه
<><><><><>><>

تمر مر
اذوبن شمعه واتمنى تمر مر
حبيبي الكَلب بفركاك تمرمر
اسألك هم ضكت مره تمر مر
وانا البرحي انكلب حنظل عليه

<<<<<<<<<<<<<<<

بس مر
سكاني الدهر من فركالك بس مر
وشهد ماضكت من دنياي بس مر
رمش عيني افرشه بساط بس مر
وترد الروح من تسال عليه
>>>>>>>>>>>>>>
وسعه
شلون عليه خدين وعيون وسعه
على مود عيونه لشتغل واسعه
يادفان القبر الله عليك وسعه
اخاف تصير موتتنه سويه
((((((((((((((((((((((()

لينه
حبيبي الفرح بيدك وزعه لينه
وشتمنه الدنيه بعدك وزعلينه
اليوز عليك اهلك وز علينه
اهلنه ومارضوا نرجع سويه
________________

مر الينه
عسل شوفك ياغايب مر الينه
وتدري فراك شخصك مر الينه
مره تصير عبسي ومره لينه
ومره تصير ساسوكي عليه

يسلموووووووووووووووو وعاشت ايدك